Родители МБОУ "Чукарская СОШ имени А. Ф. Алексеева"

Channel name was changed to «Родители МБОУ "Чукарская СОШ имени А. Ф. Алексеева"»

Алтынньы Хотой Айыы ыйа📌 Хотой бэлиэтэ хорсун, тулуурдаах, модун санаалаах буолууну бэлиэтиирин таһынан, ыччакка түмсүү, тэрээһин, ил тыынын, олох тутаах сыаннастарын иҥэрэр.А.Ф. Алексеев аатынан Чуукаар орто оскуолатын "Кут Дабаан" сайдыы былаһаакката Саха халлаанын дуолунан (халандаарынан) алтынньы 1 күнүгэр "Алтынньы Хотой Айыы ыйа" диэн тэрээһининэн саҕалаата.Тэрээһиҥҥэ общественнай олоххо көхтөөхтүк кыттар эбээлэрбит Клавдия Сергеевна, Аида Николаевна алгыстаах алаадьыны тута астаан, бэйэлэрин алгыстарын анаан туран айах тутан көрүстүлэр. Муусука учуутала Андрей Ильич оҕолорго саха итэҕэлин, төрүт үгэһин туһунан сиһилии кэпсээтэ, Хотой Айыы таһыма Айыы дьонугар тугу түстүүрүн, аналын туһунан кэпсээнин оҕолор астына иһиттилэр, кэпсэтиигэ кыттыстылар. Кэпсэтии кэннэ уруһуй уонна үлэ учуутала Виктория Викторовна хас биирдии кэлбит оҕолорго Хотой Айыы бэлиэтин таҥас кырадаһынынан кырыйтаран, сыһыартаран харысхал оҥортордо. Тэрээһиммит силигин ситэрэн көмүлүөк оһоҕу оттоммут, сиэри-туому ситэрэн алгыстанныбыт.Маннык тэрээһиннэр ый ахсын оскуолабыт иһинэн ыытыллан, нэһилиэк араас араҥатын хабан, оскуола обшественнай олоҕор төрөппүттэри кыттыһыннаран, сахалыы сиэрдээх, көрсүө майгылаах, дойдуларын таптыыр дьон үүнэн тахсалларыгар бигэ тирэх буолуо диэн эрэнэбит. ✍🏻 Тэрийээччи Сүргэн Лөкөөрүн@gazetanyurba @ulusmedia

От ыйын 1 күнүгэр оскуолабытыгар тэриллибит Саха Саҥата сайыҥҥы оҕо лааҕыра үлэтин түмүктээтэ. Бу күн оҕолор Таас тиит остуоруйанан испэктээк тута көрдөрөрдүлэр. Манна бастыҥ кыыс оруолларын толордулар Васильева Никольда, Билюкина Мичийэ. Бастыҥ уол оруолларын оонньоон көрдөрдүлэр Тартыев Эрэл уонна Семёнов Саян. Ону таһынан саамай үчүгэй сценическай көстүүмнэри Скрябина Ангелина, Яковлева Күннэйэ Куо оҥостубуттар. Онон кыайыылаахтар грамоталарынан, бириистэринэн наҕараадаланнылар. Хас биирдии оҕо лааҕыр үлэтин түмүгүнэн сахалыы анал ааттары, Саха саҥата логотиптаах футболкалары бэлэх туттулар.Лааҕыр сабыллыытынан минньигэс астаах остуол тэриллэн оҕолор астына аһаатылар. Сайын үтүөтүн умнуллубаттык атаарбыттарын, лааҕыр үгүс доҕоттору бэлэхтээбитин иһин оҕолор да төрөппүттэр да махталлара улахан.21 күн устата ыытыллыбыт дьарыктар, оонньуулар оҕолорбутугар туһалаах буолуохтара диэн, такайыллыбыт үтүө санаа, айылҕаны ытыктыыр үөрэхтэр оҕолор өйдөрүгэр, сүрэхтэригэр дириҥник иҥиэхтэрэ диэн олуһун эрэнэбит.От ыйын 1 күнүгэр оскуолабытыгар тэриллибит Саха Саҥата сайыҥҥы оҕо лааҕыра үлэтин түмүктээтэ. Бу күн оҕолор Таас тиит остуоруйанан испэктээк тута көрдөрөрдүлэр. Манна бастыҥ кыыс оруолларын толордулар Васильева Никольда, Билюкина Мичийэ. Бастыҥ уол оруолларын оонньоон көрдөрдүлэр Тартыев Эрэл уонна Семёнов Саян. Ону таһынан саамай үчүгэй сценическай көстүүмнэри Скрябина Ангелина, Яковлева Күннэйэ Куо оҥостубуттар. Онон кыайыылаахтар грамоталарынан, бириистэринэн наҕараадаланнылар. Хас биирдии оҕо лааҕыр үлэтин түмүгүнэн сахалыы анал ааттары, Саха саҥата логотиптаах футболкалары бэлэх туттулар.Лааҕыр сабыллыытынан минньигэс астаах остуол тэриллэн оҕолор астына аһаатылар. Сайын үтүөтүн умнуллубаттык атаарбыттарын, лааҕыр үгүс доҕоттору бэлэхтээбитин иһин оҕолор да төрөппүттэр да махталлара улахан.21 күн устата ыытыллыбыт дьарыктар, оонньуулар оҕолорбутугар туһалаах буолуохтара диэн, такайыллыбыт үтүө санаа, айылҕаны ытыктыыр үөрэхтэр оҕолор өйдөрүгэр, сүрэхтэригэр дири